ដើមអម្ពឹល បញ្ចេញឯកសារសម្ងាត់លោកកឹម សុខា និងសម្តេចហ៊ុនសែន
នៅព្រឹកថ្ងៃអាទិត្យទី២៩ឧសភា ២០១១នេះ គហទំព័រនៃមជ្ឈមណ្ឌលដើមអំពិល បានបញ្ចេញឯកសារមួយ ទំហំ៧ទំព័យកន្លះ ដែលគេហទំព័រនេះ និយាយថា ជាការសម្ងាត់ នៃការសន្ទារវាងសម្តេច ហ៊ុន សែន និង លោកកឹមសុខា កាលពីឆ្នាំ២០០៧ ហើយថា ឯកសារនេះ ដើមអម្ពឹលទទួលបានពីមន្រ្តី ដែលស្និទ្ធនឹងបក្សប្រជាជនកម្ពុជាកម្ពុជា។
នៅក្នុងការសន្ទនា តាមទូរស័ព្ទរយៈពេលជាង១០នាទី គេបានឃើញពីភាពឧិនលំទោនរបស់លោកកឹមសុខ ចំពោះសម្តេចហ៊ុនសែន និង អ្វីដែលកឹំ សុខាកំពុងតែដើរ គឺភាគច្រើនធ្វើទៅតាមការចង្អុលបង្ហាញ និង ភាពអនុគ្រោះពីសម្តេចហ៊ុនសែន ហើយថា រាល់ការរិះគន់ពីសំណាក់លោកកឹមសុខា និង សម្តេចហ៊ុន សែន គឺគ្រាន់តែជាកាសម្តែងល្ខោនដាក់គ្នាតែប៉ុណ្ណោះ។លោកកឹមសុខា និយាយថា យូរៗខ្ញុំដាក់សម្តេចមួយ យូរៗ សម្តេចដាក់ខ្ញុំមួយទៅ។
គេអារកមើលឬអានការសន្ទនាទាំងនេះ នៅក្នុងគេហទំព័រ ដើមអម្ពឹលនាព្រឹកនេះបាន។
នៅព្រឹកថ្ងៃនេះដែរ គេមិនតាន់ឃើញមានប្រតិកម្មអ្វីមួយពីមន្រ្តីរដ្ឋាភិបាល ឬគណបក្សប្រជាជនកម្ពុជាទេ ហើយគេក៏មិនទាន់ដឹងច្បាស់ថា តើការបញ្ចេញឯកសារសម្ងាត់នេះ បក្សកាន់អំណាច មានបំណងអ្វី ឬអ្នកបញ្ចេញឯកសារនេះ មានបំណងអ្វីនោះទេ។
គេក៏កាន់តែពុំដឹងទៀតថា តើមជ្ឈមណ្ឌលដើមអំពិលនឹងប្រឈមនឹងការប្តឹងពីបទផ្សព្វ ផ្សាយឯកសារសម្ងាត់របស់គូសន្ទនា ដែលជាមនុស្សកំពូលនេះឬយ៉ាងណាដែរ?។
ប៉ុន្តែ ជាទូទៅ លោកកឹម សុខា ប្រធានបក្សសិទ្ធិមនុស្ស តែងតែទទួលរងនូវការរិះគន់ ពី បក្សប្រឆាំងសម រង្សីថា ជាបក្សរណបបក្សប្រជាជនកម្ពុជា និង ពេលថ្មីៗនេះ ការរួបរួមបញ្ចូលជាបក្សតែមួយរវាងបក្សសមរង្សី និង បក្សសិទ្ធិមនុស្ស ត្រូវធ្វើឡើងមិនបាចសម្រេច ព្រោះបក្សសមរង្សី ហាក់ដឹងមុនថា នឹងចាញ់ល្បិចបក្សសិទ្ធមនុស្ស ប្រសិនបើរួបរួម ទោះ បីបក្សសិទ្ធមនុស្សសុខចិត្តធ្វើអ្វីៗតាមបក្សសម រង្សីក៏ដោយ។
កាយវិការទាំងនេះ ធ្វើឲ្យអ្នកវិភាគនយោបាយមួយចំនួនគិតថា ការសម្រេចមិនបញ្ចូលគ្នា រវាងបក្សសិទ្ធិមនុស្ស និង បក្សសមរង្សី គឺបក្សសមរង្សីគិត្រូវមួយជំហាន។
