ថ្លែងក្នុងពិធីបើកកិច្ចប្រជុំបូកសរុបឆ្នាំ២០១១ នៃទីចាត់ការការងារព្រំដែនអគ្គបញ្ជាការដ្ឋាន នៅទីបញ្ជាការកងអង្គរក្សកាលពីព្រឹកម៉ិញនេះ ឯកឧត្តម នាយឧត្តមសេនីយ៍ហ៊ីង ប៊ុនហៀង អគ្គមេបញ្ជាការរងនៃកងយោធពលខេមរភូមិន្ទមានប្រសាសន៍ថា សភាពការណ៍នៅតាមបណ្តោយព្រំដែនកម្ពុជា ថៃ ឆ្នាំ២០១១នេះ មានផលវិជ្ជមានច្រើន។

ប៉ុន្តែឯកនាយឧត្តម បានរំលឹក និង ជំរុញថា កងទ័ពទាំងអស់ ត្រូវខិតខំពង្រឹងខឿនការពារជាតិឲ្យមានប្រសិទ្ធភាពនៅគ្រប់កាលៈទេសៈ ពិសេសទីចាត់ការការងារព្រំដែន ត្រូវខិតខំអនុវត្តន៍ការងារតាមតួនាទី និងភារកិច្ចរបស់ខ្លួន ដើម្បីឈានឆ្ពោះទៅរកព្រំដែន ដែលប្រកបដោយសន្តិភាព សុវត្ថិភាព មិត្តភាពនិង ជាតំបន់អភិវឌ្ឍន៍សេដ្ឋកិច្ចជាតិ។

ឯកឧត្តម  ឧត្តមសេនីយ៍ឯកសៀក  សុជាតិ នាយកទីចាត់ការការងារព្រំដែន នៃអគ្គបញ្ជាការដ្ឋានឲ្យដឹងថា លទ្ធផលគួរឲ្យកត់សម្កាល់នេះ ស្តែងចេញជាលទ្ធផលជាបន្តបន្ទាប់ ក្នុងនោះមានការជួបប្រជុំដោះស្រាយបញ្ហាជាមួយគណកម្មាធិការព្រំដែនទូទៅកម្ពុជា ថៃ (GBC)លើកទី៨, ប្រជុំឯកភាពបង្កើតក្រុមការងារចំរុះ(JWG)  ពិភាគ្សាដើម្បីអនុវត្តន៍ សាលដីការតុលាការយុត្តិធម៌អន្តរជាតិ(ICJ) និង ប្រជុំពេញអង្គលើកទី៥ នៃគណៈកម្មការចម្រុះខណ្ឌ័សីមាព្រំដែនគោកកម្ពុជាថៃ(JBC)។

លោកបញ្ជាក់ថា ក្រុមការងារព្រំដែន ក៏បានធ្វើការរុករក និង រកឃើញបង្គោលព្រំដែនកម្ពុជា ថៃចំនួន៤៨បង្គោល លើចំនួនបង្គោលសរុប៧៣ ។ ដោយឡែកបង្គោលលេខ០១ចាប់ពីចំណុចប្រសព្វបីប្រទេស(មុំបី)ដល់បង្គោលលេខ២៣(ទន្លេល្ពៅ)ក្នុងទឹកដីខេត្តព្រះវិហារ ចំប៉ាសាក់មិនទាន់បានបោះនៅឡើយទេ ព្រោះភាគីពាក់ព័ន្ធមានទស្សនៈខ្វែងគំនិតគ្នា។

ចំណែកព្រំដែនកម្ពុជាវៀតណាម បានសហការវាស់វែងនិងឯកភាពគ្នាកំណត់ទីតាំង បង្គោលព្រំដែន នៅលើដីជាក់ស្តែងបានចំនួន២៣៣ទីតាំង លើ៣១៤ទីតាំង ស្មើនឹង២៨១បង្គោលលើ៣៧៥បង្គោល។ ជាមួយប្រទេសឡាវមានបង្គោលព្រំដែនសរុប១៤៥បង្គោល ។

២២.កុម្ភៈ ២០១២

កាលពីថ្ងៃទី២១ កុម្ភៈ ឆ្នាំ២០១២ របាយការណ៍ក្រសួងមហាផ្ទៃ ដែលបានបង្ហាញនៅក្នុងកិច្ចប្រជុំបូកសរុបការងារឆ្នាំ២០១១ ទិសដៅ២០១២ បានបង្ហាញថា បទល្មើសសន្តិសុខ ក្នុងសង្គមមានការកើនឡើង ហើយបទល្មើសនោះ មានមុខសញ្ញាខុសៗគ្នា និង កាន់តែសាហាវទៅៗ។

របាយការណ៍ ដដែលនេះ បានបង្ហាញទៀតថា មានការប្រែប្រួលបទល្មើសមួយចំនួន ដែល ក្រសួងសន្តិសុខជាតិមួយនេះកំពុងព្រួយបារម្ភ ក្នុងនោះមានដូចជា ការប្រែប្រួលទម្រង់នៃបទល្មើសពីរូបភាពលួច ទៅជាឆក់ប្លន់ និង អ្វី ដែលកាន់តែបារម្ភថែមទៀតនោះ គឺសកម្មភាពប្លន់ទាំងនេះ បានដូរពីរូបភាពការប្លន់ដោយការគំរាម ទៅជាករណីប្លន់សម្លាប់ជាដើម។

តួលេខនៃរបាយការណ៍ បង្ហាញថា បទល្មើសឆ្នាំ២០១១ទាំងអស់ស្មើនឹង ៣០៨៧ ករណី ក្នុងនោះបទល្មើសព្រហ្មទណ្ឌសរុប៩៩៤ករណី ដែលអំពើប្លន់មាន១៥៥ករណី អំពើឃាតកម្ម ២១៨ករណី អំពើរំលោភសេពសន្ថវៈចំនួន៣៥៦ករណី ជួញដូរគ្រឿងញៀន ៨៣៤ករណី និង ករណីជួញដូរ និង កេងប្រវ័ញ្ចផ្លូវភេទ១៧២ករណី។

របាយការណ៍ ក៏ចង្អុលបង្ហាញពីមូលហេតុ ដែលនាំឲ្យកើតឡើងនូវករណីរំលោភសេពសន្ថវៈ ថា បណ្តាលមកពីជនល្មើសភាគច្រើនប្រើសប្រាស់គ្រឿងញៀន និង គ្រឿងស្រវឹង ដោយជនប្រព្រឹត្តល្មើសភាគច្រើនជាមនុស្សចាស់ ប្រព្រឹត្តទៅលើជនរងគ្រោះមិនទាន់ពេញវ័យ។

ថ្លែងក្នុងកម្មវិធីនយោបាយ ជាមួយដៃគូដែលមិនអាចខ្វះបានរបស់លោក គឺលោកជុំ កុសល កាលពីយប់មិញ នៅស្ថានីយ៍ទូរទស្សន៍បាយ័ន លោកសយ សុភាព បាននិយាយ ប្រាប់លោកជុំកុសល ថា អ្នកនយោបាយទាំងពីរនាក់ គឺលោកគឹម សុខា និង លោក សម រង្សី គឺភ្លើ។ធ្វើនយោបាយភ្លើ ខ្វះចំណេះដឹងផ្នែកនយោបាយ។

ការលើកឡើងរបស់លោកបែបនេះ ធ្វើឡើងបន្ទាប់ពីទំនងជាលោកសង្កេតឃើញថា គណបក្ស ដែលនិយមលទ្ធិប្រជាធិបតេយ្យពីរនេះ មិនអាចរួបរួម និង សាមគ្គីបញ្ចូលគ្នាបាន។លោកសយ សុភាពអះអាបន្តទៀតថា នៅពេលបក្សទាំងពីរបែកខ្ញែកគ្នា ធ្វើឲ្យសំឡេងឆ្នោត ក៏បែកខ្ញែកដែរ តែបើពួកគេរួបរួមគ្នា ពួកគេ អាចមាន សំឡេងខ្លះក្នុងពេលឆ្នោតនាថ្ងៃអនាគត។

លោកសយ សុភាព ក៏បានសង្កត់ធ្ងន់ដែរថា តាមការប៉ាន់ប្រមាណរបស់លោក លោក ហ៊ាន សន្យាថា អ្នកទាំងពីរ (សម រង្សី និង គឹម សុខា)ពិតជាមិនអាចចុះចូលគ្នាបានទេ ទោះបី ពួកគេព្យាយាមយ៉ាងណាក៏ដោយ ព្រោះពួកគេ កាន់ចរិតមេ ឬមានតែអញរៀងៗខ្លួន។ការពិត ការនិយាយបែបនេះ ជារបៀបវាយ ស្មៅបង្អើលពស់ ដើម្បីចាប់ពស់របស់លោកសយ សុភាពទេ ។បើអ្នកចាញ់កល វានឹងបរាជ័យជាមិនខាន។

ការលើកឡើងរបស់លោកសយ សុភាព អាចត្រូវម្យ៉ាង ហើយក៏អាចខុសម្យ៉ាងដែរ។លោកសយ សុភាពនិយាយបែបនេះ ប្រហែលជាលោកភ្លេចហើយថា លោក គឹម សុខា គឺជាអាយ៉ង របស់បក្សប្រជាជនកម្ពុជា ហើយគណបក្សលោកគឹម សុខា ទទួលបានការគាំទ្រផ្នែកថវិកា ពីបក្សប្រជាជនកម្ពុជា ជាពិសេសសម្តេចហ៊ុន សែន។ ដូច្នេះ បើលោកសមរង្សី យល់ព្រមរួបរួមភ្លាម ដោយមិនប្រុងប្រយ័ត្ន វាអាចបណ្តាលឲ្យលោកសមរង្សី កាន់តែបរាជ័យ និង គ្រោះថ្នាក់ថែមទៀត.។

ខាងក្រោមនេះ ជាសេចក្តីប្រកាសព័ត៌មាន របស់ក្រួងព័ត៌មាន តែយើងចង់សួរថា តើវាមានប្រសិទ្ធភាពកម្រិតណា ទៅលើស្ថាប័នព័ត៌មានមួចំនួន ដូចចាទស្សនាដ្តី កាសែត និង ទុរទស្សន៍ជាដើមនោះ បានឬទេ? ឬគ្រាន់តែស្រែកកោកៗ ឥតប្រយោជន៍?។

ក្រសួងព័ត៌មានប្រកាសហាមមិនឲ្យកាសែតឬទស្សនាវដ្តី ផ្សព្វផ្សាយរូបភាពកាចសាហាវទេ ដូច្នេះយើងចាំមើលថា តើមានកាសែតណាខ្លះ ដូចជាកាសែតកោះសន្តិភាព រស្មីកម្ពុជា កម្ពុជាថ្មី និងទស្សនាវដ្តីអង្គរធំ ខ្មែរអប្សរាជាដើមអនុវត្តតាមឬអត់?។

ខាងក្រោមនេះ ជាអត្ថបទ ដែលយើងដកស្រងទាំងស្រង់ពីគេហទំព័រក្នុស្រុកមួយ។យើងចង់ដឹងថា តើឌុច នឹងនិយាយការពិតទេ នៅពេលក្លាយជាសាក្សី ក្នុង រឿងក្តី០០២នេះ?។បើឌុច និយាយការពិត តើមានអ្វីខ្លះកើតឡើង ចំពោះមេដឹកនាំ ដែលកំពុងជាប់ចោទទាំងនេះ និង ជាពិសេសប្រទេសកម្ពុជា កម្ពុជាទាំងមូល។

លោក កាំង ហ្កេកអ៊ាវ ហៅ ឌុច ក្លាយជាសាក្សីក្នុងសំណុំរឿង០០២

(ថ្ងៃទី 21 កុម្ភៈ 2012,03:55:PM)

លោក កាំង ហ្កេកអ៊ាវ ហៅ ឌុច ក្នុងបន្ទប់សវនាការកន្លងមក។ នៅពេលខាងមុខ ឌុច នឹងបង្ហាញខ្លួនជាថ្មី ក្នុងបន្ទប់សវនាការ តែពេលនោះ គឺឌុច ជាសាក្សី ដើម្បីលាតត្រដាង និងចង្អុលមុខអតីតមិត្ត ជាមេរបស់ខ្លួន ពាក់ព័ន្ធនឹងតួនាទី និងការដឹកនាំក្នុងជំនាន់ខ្មែរក្រហម ដែលនាំឲ្យមនុស្សប្រមាណ ២ លាននាក់ ស្លាប់ ចន្លោះពីឆ្នាំ១៩៧៥ ដល់ឆ្នាំ១៩៧៩៕

ភ្នំពេញ: អតីតមេគុកទួលស្លែង លោក កាំង ហ្កេកអ៊ាវ ហៅ ឌុច ត្រូវបានអង្គជំនុំជម្រះតុលាការសាលាដំបូង របស់តុលាការខ្មែរក្រហម ជ្រើសរើសជាសាក្សី ក្នុងចំណោមបញ្ជីសាក្សី ១០៤០ រូប សម្រាប់សំណុំរឿង០០២ ដែលមានជនជាប់ចោទ លោក នួនជា លោកអៀងសារី និងលោកខៀវសំផន។ ឌុច នឹងត្រូវឡើងផ្តល់សក្ខីកម្ម ក្នុងសវនាការលើសំណុំរឿង០០២ ដើម្បីបង្ហាញពីរចនាសម្ព័ន្ធរដ្ឋបាល និងប្រព័ន្ធទំនាក់ទំនងការងារក្នុងរបបខ្មែរក្រហម ព្រមទាំងលើកបង្ហាញពីតួនាទីរបស់លោកនួនជា លោកអៀងសារី និងលោកខៀវសំផន។ នេះបើតាមការបញ្ជាក់របស់លោក នេត្រ ភក្ត្រា អ្នកនាំពាក្យតុលាការខ្មែរក្រហម។

លោក នេត្រ ភក្ត្រា បានឲ្យដឹងថា ក្នុងអនុសារណៈមួយ ដែលចេញដោយអង្គជំនុំជម្រះសាលាដំបូង របស់តុលាការខ្មែរក្រហម កាលពីថ្ងៃទី១៧ ខែកុម្ភៈ ឆ្នាំ២០១២ បានបង្ហាញថា លោក កាំង ហ្កេកអ៊ាវ ហៅ ឌុច ត្រូវធ្វើជាសាក្សីក្នុងសំណុំរឿង០០២ ហើយនឹងត្រូវចូលបន្ទប់សវនាការ ដើម្បីផ្តល់សក្ខីកម្មក្នុងអង្គជំនុំជម្រះសាលាដំបូង ទាក់ទងនឹងរចនាសម្ព័ន្ធរដ្ឋបាល ប្រព័ន្ធទំនាក់ទំនងការងារក្នុងរបបខ្មែរក្រហម និងតួនាទីរបស់អតីតមេខ្មែរក្រហមទាំងបីរូប ក្នុងសំណុំរឿង០០២។

លោក កាំង ហ្កេកអ៊ាវ ហៅ ឌុច ត្រូវបានតុលាការកំពូល ក្នុងតុលាការខ្មែរក្រហម បានសម្រេចកាលពីថ្ងៃទី៣ ខែកុម្ភៈ ឆ្នាំ២០១២ ដោយផ្តន្ទាទោស ដាក់ពន្ធនាគារមួយជីវិត ចំពោះបទឧក្រិដ្ឋកម្ម សម្លាប់មនុស្សប្រមាណ ១២.៣៨០ នាក់ នៅគុកទួលស្លែង ក្នុងជំនាន់ខ្មែរក្រហម ចន្លោះពីឆ្នាំ១៩៧៥ ដល់ឆ្នាំ១៩៧៩។

មកដល់ពេលនេះ ឌុច បានក្លាយជាទណ្ឌិត និងកំពុងជាប់ឃុំឃាំងនៅមន្ទីរឃុំឃាំងរបស់តុលាការខ្មែរក្រហម។ ក៏ប៉ុន្តែចំណុចនេះ ត្រូវបានលោកនេត្រ ភក្ត្រា បញ្ជាក់ថា មិនមានទំនាស់ផ្លូវច្បាប់អ្វី សម្រាប់ការចូលខ្លួន មកធ្វើជាសាក្សី ដើម្បីបង្ហាញពីរបបខ្មែរក្រហមឡើយ៕

យើងពិតជាមិនដឹងសោះទេថា តើបណ្តាលមកពីហេតុអ្វី បានជាមួយរយៈនេះ ក្រោយពីមានការស្រែកអន្តរាគមន៍ពីសំណាក់សម្តេចហ៊ុន សែន ប្រមុខរាជរដ្ឋាភិបាលកម្ពុជាព្រមានចំពោះអំពើបាញ់ប្រាហារទាំងឡាយរបស់ខ្មាន់កាំភ្លើងហើយ នៅតែមានបទល្មើសកើនឡើងខ្លាំងថែមទៀត?។

ទង្វើទាំងនេះ ដោយសារខ្មាន់កាំភ្លើងទាំងនោះមិនចេះច្បាប់ ឬបណ្តាលមកពីអាជ្ញាធរអន់? ឬមួយថា ការស្រែករបស់សម្តេចនាយករដ្ឋមន្រ្តី គ្រាន់តែស្រែកគម្រប់កិច្ច កុំឲ្យ គេចោទថា នាយករដ្ឋមន្រ្តីអត់ស្រែកសោះ?។

យើងពិតជាឆ្ងល់ដែរថា ហេតុអ្វីមន្រ្តីក្រោមឧិវាទ ឬមន្រ្តីរដ្ឋាភិបាលទាំងអស់ មិនព្រមធ្វើអ្វីទាល់តែសោះដូច្នេះ? ពេលខ្លះ ទាល់តែនាយករដ្ឋមន្រ្តីស្រែក ទើបនាំគ្នាធ្វើ? ឬ នោកម្ពុជា គេត្រូវធ្វើរបៀបនេះ?ដើម្បីឲ្យក្លាយជារដ្ឋភិបាល ឬព្រះរាជាអាណាចក្រចង្កោម?។រដ្ឋាភិបាល ក្តោបអ្វីៗទាំងអស់ បើគ្មានបញ្ជាពីថ្នាក់លើ ថ្នាក់ក្រោមគ្មានសិទ្ធិធ្វើអ្វីឡើយ។

យើងមិនមែនជាអ្នកច្បាប់ទេ តែនៅពេលនេះ យើងសុំសួរទៅអ្នកច្បាប់ថា តើសកម្មភាពរបស់សាលាក្តីខ្មែរក្រហមខុសច្បាប់ឬទេ?។សំណួរនេះ យើងចង់ផ្តោតលើ សកម្មភាពចុងក្រោយរបស់សាលាក្តី ដែលបានយកសេចក្តីសុំទោស របស់ទណ្ឌិតឈ្មោះកាំង ហ្កេកអ៊ាវ ហៅឌុច មកចាក់ផ្សាយឡើងវិញជាសាធារណៈ ហើយ តាម ព័ត៌មានថា សាលាក្តី នឹងយកការសារភាព សុំទោសចំពោះជនរងគ្រោះនៅគុកទួលស្លែងរបស់ឌុចទៅចាក់ផ្សាយនៅកំពុងធំទៀត។

យើងចង់សួរថា តើធ្វើបែបនេះ សាលាក្តីមានបានសុំសិទ្ធិពីទណ្ឌិតកាំងហ្កេកអ៊ាវហើយឬនៅ? ឬថា តុលាការមួយនេះ ពិតជាមានសិទ្ធិធ្វើដូច្នេះមែន?។

តាមបទពិសោធន៍ ដែលយើងដឹងពីអ្នកច្បាប់ និង ក្រុមសិទ្ធិមនុស្សមួយចំនួន បានលើកឡើងថា  ទោះបីជននោះក្លាយជាអ្នកទោសក៏ដោយ ប៉ុន្តែ បើគ្មានការអនុញ្ញាត ពីសាមីខ្លួនទេ គ្មានអ្នកណាម្នាក់អាចរំលោភលើសិទ្ធិឯកជនរបស់គេទេ ដូចជាការថតរូប ឬប្រើប្រាស់រូបថត និង អ្វីផ្សេងៗជាដើម។

ដូច្នេះ ការធ្វើបែបនេះ របស់សាលាក្តីយើងគិតថា វាអាចធ្វើឲ្យប៉ះពាល់ដល់សិទ្ធិជនជាប់ចោទ និង ជាពិសេសកិត្តិយសរបស់សាច់ញ្ញាតិនៃជនឧក្រិដ្ឋនេះ ដូចជាកូន ឬ បងប្អូនជាដើម។ពួកគេកាន់តែទទួលរងនូវភាពអាម៉ាស់ និងអាចទទួលរងនូវការរើសអើងពីសង្គមជាតិ។

យើងដឹងហើយថា ការធ្វើបែបនេះរបស់សាលាក្តី គឺដើម្បីទាញចំនាប់អារម្មណ៍របស់ប្រទេស ឬសង្គមស៊ីវិលម្ចាស់ជំនួយមួយចំនួន ឲ្យគេផ្តល់មកឲ្យសាលាក្តីនេះ ដែល បានជំពាក់ប្រាក់ខែបុគ្គលលិកជិតកន្លះឆ្នាំមកហើយ ហើយយើងក៏គ្មានបំណងរារាំងសាលាក្តីនេះដែរ តែយើងគ្រាន់តែមិនចង់ឲ្យសាលាក្តី ដែលផ្ទុកទៅដោយអ្នកច្បាប់ ហើយបែរជាធ្វសកម្មភាពរំលោភសិទ្ធិតៅវិញតែប៉ុណ្ណោះ។

លោកសោម ឆាយា ដែលគេស្គាល់ថា ជាអ្នកអត្ថាធិប្បាយដ៏លម្អៀង នៅទូរទស្សន៍ស៊ីធីអិននោះ នៅព្រឹកថ្ងៃទី២១ កុម្ភៈនេះ បានព្យាយាមនិយាយទម្លាក់ កំហុស ដាក់ កម្មករ ដែលទទួលរងនូវការបាញ់ប្រហារពីសំណាក់ក្រុមសន្តិសុខរោងចក្រមួយនៅខេត្តស្វាយរៀង។

ការលើកឡើងរបស់លោក ឆាយ៉ា ធ្វើជាសំណួរ សួរអ្នករាយការណ៍របស់លោកពិខេត្តស្វាយរៀងថា ហេតុអ្វីបានជាសន្តិសុខបាញ់ តើកម្មករធ្វើអ្វីខ្លះ?បានជាគេបាញ់ ឬ ថា មិនដែលសុខៗគេបាញ់នោះទេ។

ការសួរសំណួរបែបនេះ ជាការបង្ហាញចម្លើយថា គឺមកពីកម្មករទាំងនោះ នាំគ្នាធ្វើបាតុកម្ម និង ចោលដុំថ្មដាក់រោងចក្រ។ការសួរបែបនេះ គេក៏ដឹងដែរថា ក្រោយពីនិយាយចប់ លោកឆាយ៉ា អាចនឹងត្រូវគេហៅឲ្យទៅយកលុយជាមិនខានពីខាងរោងចក្រ ។ប៉ុន្តែ យើងមិនសប្បាយចិត្តចំពោះឥរិយាបថ បែបនេះទេ ។យើងចង់សួរលោកឆាយាថា តើការចោលដុំថ្មដាក់រោងចក្រជាភារកិច្ចរបស់សន្តិសុខឬ?វាជាភារកិច្ចដោះស្រាយរវាងកម្មករ និង ម្ចាស់រោងចក្រទេ ឯសន្តិសុខ គឺគេជួលមកគ្រាន់តែការបារចោរលួច ចោរប្លន់ និង ការប៉ុនប៉ងណាមួយដុតជាសម្លាប់ថៅកែ ឬដុតរោងចក្រពីសំណាក់ជនអាថ៌កំបាំងណាជាដើម។គេមិនមែនជួលសន្តិ សុខឲ្យមកបាញ់ ឬវាយតប់កម្មករទេ គ្មានច្បាប់ចែងបែបនេះទេ។ដូច្នេះ សូមលោកឆាយា មេត្តាប្រយ័ត្នប្រយែងសំណួរ និង វោហាស៍បន្តិចទៅ ក្រែងកាន់តែធ្វើឲ្យគេ កាន់តែយល់ច្រឡំថែមទៀត។

ទីបញ្ចប់ យើសូមជម្រាបលោកសោម ឆាយាថា យើងពិតជាមិនចូលចិត្ត ចរិតអែបអបរបស់លោកទេ យើងត្រូវការឲ្យលោកប្រើជំនាញវិជ្ជាជីវៈ ជាអ្នកកាសែត ឬអ្នក អត្ថាធិប្បាយការសែត ជាជាង លើកជងម្ខាង ហើយបង្អាប់ម្ខាងទៀត។

ស្ថានភាពស្ត្រីនៅកម្ពុជា កាន់តែមានការប្រឈមនឹងផលប៉ះពាល់ខ្លាំងឡើង បន្ទាប់ពីពិភពលោកជួបវិបត្តិសេដ្ឋកិច្ច បញ្ហាជម្លោះព្រដែនកម្ពុជា ថៃ  និង គ្រោះទុរ្ភឹក្សទឹកជំនន់ ។

ថ្លែងនៅក្នុងកិច្ចប្រជុំជាមួយក្រុមប្រឹក្សាជាតិកម្ពុជាដើម្បីស្ត្រី នៅវិមានសន្តិភាពព្រឹកម៉ិញនេះ សម្តេចតេជោនាយករដ្ឋមន្ត្រីហ៊ុន សែន មានប្រសាសន៍ថា ក្រោយពីមានវិបត្តិសេដ្ឋសកល និង ជម្លោះព្រំដែន កម្ពុជាថៃ ជាពិសេសគ្រោះទឹកជំនន់ កាលពីឆ្នាំ២០១១កន្លងមក ស្ថានភាពស្រ្តី កាន់ប្រឈមនឹងផលប៉ះពាល់ជាច្រើន កាន់តែគួរយកចិត្តទុកដាក់ និងដោះស្រាយបន្ថែមទៀត ដូចជាការលើកកម្ពស់ ស្ថានភាព  ជីវភាព  ឋានៈ  តួនាទីរបស់ស្ត្រីទាំងនៅក្នុងសង្គមគ្រួសារ និង វិស័យនយោបាយ ។

សម្តេចមានប្រសាសន៍បន្ថែមថា ដើម្បីឲ្យស្ត្រី ដែលជាអ្នកដើរតួនាទីសំខាន់ក្នុងវិស័យសេដ្ឋកិច្ច សហគ្រាសធុនតូច និង មធ្យម រដ្ឋាភិបាលបានបង្កើតអនុក្រុមការងារមួយ ដែលផ្តល់ឧិកាសឲ្យស្ត្រី មានឈ្មោះបោះសំឡេង បានចូលរួមក្នុងវេទិការាជ

រដ្ឋាភិបាល និង វិស័យឯកជន ហើយក្នុងនេះ វិស័យឯកជន គួរតែបង្កើតសមាជិកជានារី ក្នុងវិស័យ នៃក្រុមការងារនោះផងដែរ.

សម្តេចតេជោនាយករដ្ឋមន្រ្តី ក៏បានជំរុញ និង អំពាវនាវ ធ្វើយ៉ាងណាឲ្យមានការស្រាវជ្រាវអំពីផលវិបាកទាំងឡាយរបស់ស្ត្រី

ដែលកំពុងជួបប្រទះ  ទាំងក្នុងវិស័យការងារ ការសិក្សា ជាពិសេសការស្នាក់នៅរបស់និស្សិតស្រី និង ក្រោយបញ្ចប់ការសិក្សា

តើមានទីផ្សារអ្វីខ្លះ ដែលទទួលយកស្ត្រីឲ្យចូលបម្រើការងារនោះ?។

រាជរដ្ឋាភិបាលកម្ពុជា បានប្រតិកម្មតបចំពោះការចោទប្រកាន់ របស់មេធាវីការពារក្ដីលោក នួន ជា ដែលលើកឡើងថា រដ្ឋាភិបាល បានជ្រៀតជ្រែកក្នុងកិច្ចការតុលាការសាលាក្ដីខែ្មរក្រហម និង ជារឿងនយោបាយ។

ឯកឧត្តម កែវ រ៉េមី អនុប្រធានអង្គភាពព័ត៌មាន និងប្រតិកម្មរហ័សនៃទីស្ដីការគណៈរដ្ឋមន្រ្តី បាន មានប្រសាសន៍ ក្នុងសន្និសីទសារព័ត៌មាន កាលពីព្រឹកមិញនេះថា មេធាវីការពារក្ដីលោកនួន ជា លោក មីសែល ប៉េសមែន បានចោទប្រកាន់ប្រមុខរាជរដ្ឋភិបាលកម្ពុជា គឺសម្តេចតេជោហ៊ុន សែន ថាបានកលូកដៃចូលក្នុងកិច្ចការតុលាការ កូនកាត់មួយនេះ។

ឯកឧត្តមបានលើកឡើងដោយសង្កត់ធ្ងន់ថា ការចោទប្រកាន់របស់មេធាវីរូបនេះ ជាការគាបសង្កត់លើការបញ្ចេញមតិរបស់សម្ដេចនាយករដ្ឋមន្រ្តីហ៊ុន សែន  អំពីរបបកម្ពុជាប្រជាធិបតេយ្យ ក្នុងនាមសម្តេចជាពលរដ្ឋមួយរូប និង ហាមមិនឲ្យសម្ដេចតេជោ ធ្វើការពណ៌នាពីអ្វី ដែលប៉ះពាល់ដល់កូនក្ដីរបស់គាត់ ថែមទាំងប្រតិកម្មចំពោះការប្រើពាក្យថា ឃាតកទៀតផង។

ឯកឧត្តមបានបញ្ជាក់ទៀតថា មេធាវីបរទេសរូបនេះ តែងតែលើកឡើងជារឿយៗ ចាប់តាំងពីបទសម្ភាសរបស់សម្ដេចនាយករដ្ឋមន្រ្តី ជាមួយកាសែតវៀតណាមនៅខែមករាកន្លងមក និង ដាក់ពាក្យបណ្តឹងប្តឹងសម្តេចប្រមុខរាជរដ្ឋាភិបាល ទៅសាលាដំបូងរាជធានីភ្នំពេញផងដែរ។

ឯកឧត្តមបានបង្ហាញពីមូលហេតុដែរថា  មេធាវីបរទេសរូបនេះ តែងតែមានអាកប្បកិរិយាបែបនេះ ដើម្បីឆ្លៀតឱកាសកសាងកេរ្ដិ៍ឈ្មោះរបស់គាត់ឲ្យបានល្បី និង បានបន្តអាជីពរបស់គាត់នៅពេលក្រោយៗទៀត។